Ambahanon 174

Padayon nga Nagabugtaw, Malig-on, Gamhanan

(1 Corinto 16:13)

1. Padayon nga nagabugtaw,

Maligon kag gamhanan

Sa aton pagpakigaway,

Kay patod kadalagan.

Kay Cristo, ang Daku nga Gideon,

Ang kuta sang Midian likupon.

Ang kaaway magapalagyo

Pagsinggit naton tanan.

2. Padayon nga nagabugtaw,

Pirme handa magtuman.

Kag ang ihambal ni Cristo

Pagasundon sang tanan.

Kon huwaran n’ya ang ilugon,

Kahamuot sang Dios maagom.

Magugyon sa pagpakigaway

Agod may kadalagan.

3. Padayon nga nagabugtaw;

Hulaton si Jehova.

Ang kamot n’ya ang ’gakontrol,

Indi magpalantang sia.

Kon sano, kita pahibalon,

Subong sa panahon ni Gideon.

Gani tumanon iya sugo,

Himayaon ngalan n’ya.

4. Padayon nga nagabugtaw,

Balita pangapinan.

Teokratikong kahimusan,

Ini gid kinahanglan.

Magsinggit sing ’gahiliugyon:

“Espada ni Jah kag ni Gideon!”

Padayon gid nga nagabugtaw,

Maligon kag gamhanan.