Ambahanon 182

“Balsamo sa Gilead”

(Jeremias 8:22)

1. May balsamo sa Gilead;

Nabatian naton.

Nagalugpay sa natublag

Kag masinulubon.

Ini banyos sa nalisdan,

Sa ginatilawan,

Ukon kon sa kamatayon

Mahal nagtaliwan.

2. Di kalimtan “ang Dios gugma,”

Maalam, maayo.

Bisan ano ang ginaman

Sa kaayuhan mo.

Gani sa Dios mangamuyo,

Hanuot, masunson.

Di maglikom, ipautwas

Imo balatyagon.

3. Kag indi mo man kalimtan

Ang natabo anay,

Ginpasulat ini sang Dios

Sa aton paglugpay.

Ang bulig sang kauturan

Imo man batunon.

Ini ginahatag agod

Ikaw magpadayon.

4. Nahibalan mo man bala

Iban man nalisdan?

Nga ang iban pa katutom

Ang ginatilawan?

Imo sila nga lugpayan

Agod magkasadya.

Sa balsamo sa Gilead

Magaayo sila.