Ambahanon 183
Duog Sang Lamharon sa Kahimusan Sang Dios
1. Tagsa may duog sa kahimusan sang Dios.
Lamharon kag gulang ginaagda n’ya.
Ang sabat sang lamharon tumalagsahon,
Sa pagwali sing maayong balita.
Epektibo gid ang ila pagpanaksi,
Mahipid, handa kag matinahuron.
Sa Dios hamili samtang nagaalagad;
Kag ang manga gulang man malipayon.
2. Ang manga lamharon nga kilala ang Dios,
Daw ano nga kalipay ang maagom!
Handurawa ang nagahulat sa ila
Kabuhi sa Paraiso nga dayon!
Sa karon pangabuhi ginapapiot
Sining sistema nga magataliwan.
Sing bugos kusog kita magpakigaway
Ang katutom sa Ginharian huptan.
3. Sa katawhan sang Dios madamo ang abyan,
Ngaa mangita pa sa kalibutan?
Himuon ’gapaligon nga manga bagay,
Nga sa Pulong sang Dios ila masapwan.
Ang palapitan nila kon may problema,
Ang manga nagahigugma sa ila.
Apang ang ila labing suod nga Abyan,
Mahigugmaon nga Dios, si Jehova.
4. Kita miembro sang Cristianong kongregasyon,
Nga diin si Cristo ’gaaman karon.
Gani sa katutom sia aton nga updan;
Ang iya tanan nga laygay tumanon.
Indi gid magpadihon sa kalibutan;
Ang hunahuna sa Pulong tinluan.
Nian mangin matutom, lamharon kag gulang,
Kag mabuhi sing wala katapusan.