Ambahanon 190

Ambahanon kay Jehova

(Salmo 92:1, 2)

1. Karon kita nagaamba

Sa aton Dios, si Jehova.

’Gapasalamat sa iya,

Tinagipusuon.

Iya kita ginhatagan

Sing iya kamatuoran,

Agod nga may kahilwayan.

Iya kita karon.

2. Aton sia pasalamatan

Tuytoy sia sa kadudulman.

Nagadala kaumpawan

Ang iya kapawa.

Bangod sa aton paglaum,

Wala na kita sa dulom.

Problema malubad naton.

Kita may kasadya.

3. Sa Dios kita nagaamba,

Aton sia nga ginasimba.

Paagi kay Cristo kita

Nagapangamuyo:

“Jehova, Dios nga halangdon,

Ang pasalamat batunon.

Ikaw ginadayaw namon

Tungod sa gugma mo.”