Ambahanon 201
Magkasadya Upod sa Pungsod Sang Dios
1. Sa aton nga pagbantala
Manga tawo ginaagda:
“Magtuon kamo sa Biblia.
Sa kamatuoran magpangita.”
Agod di malaglag,
Sa aton ang Dios naghatag
Paglaum, makakulunyag,
Kay Bagong Kalibutan napasad.
(Koro)
2. Ang “pungsod” sang Dios balaan,
Sa panong n’ya ginpahamtang,
Agod dalhan ang katawhan
Sing mensahe n’ya sang kaluwasan.
Kita bulahanon,
Kon ang paggawi matarong.
Si Cristo huwaran naton,
Ang dalan niya aton nga sundon.
(Koro)
3. Duta nga may kahilwayan
Sa gamo kag kahalitan,
Tanawa yanang kadaman!
Sa pagalagad sa Dios mapisan.
Pirme nga masadya,
Kay kamatuoran ila.
Ginatuman ang Pulong n’ya,
Ngalan n’ya ila ginahimaya.
(Koro)
Kari kag magkasadya!
Buylog sa “pungsod” n’ya
Pagwali mensahe sa tanan.
Yaub sa trono sang Dios.
Magsimba sing bugos.
Magdampig sa iya Ginharian.