Ambahanon 211
Masadya nga Nagapakigbahin sa Pag-ani
1. Tion na karon sa pagani,
Daku gid nga pribileh’yo.
Ang manga anghel “mangangani,”
Kag kita man may mahimo.
Si Cristo nanguna magsabug
Manga binhi sa “latagon.”
Luntay na ang aton nga alanyon.
Magkasadya sa pagtipon.
2. Ang “trigo” yara sa “tambubo,”
Kilala ang “manga gamhon.”
Sila ’gasablag, ’gapamatok,
Kag nagabagrot ang ngipon.
Kutob sa aga tubtob hapon,
Alagad sang Dios masako,
Kay madamo pa ang alanihon
Nga manga tulad karnero.
3. Gugma sa Dios, isigkatawo
Nagapapagsik sa aton.
Hilingagawon ang pagtipon,
Katapusan ’gapadulong.
Dapat mapisan sa pagani,
Ang magatuon buligan.
Tuman ang kasadya sa latagon,
Sa pagtipon sa baguhan.
4. Si Cristo Jesus nagatanaw
Sa luntay na nga alanyon.
O ang latagon sa kalapad!
Madamo pa ang tipunon!
Subong kabulig ni Jehova,
Kasadya di matupungan.
Dapat kita mapisan, masadya,
Agod iya kahamutan.