Ambahanon 215
Pagpakita Sing Kaluoy sa Iban
1. Sang ang Dios nagpatod nga sa anaw
Laglagon malaut sang una,
Si Noe ginhatagan sing sugo:
‘Magtukod sing arka! Bantala!
Si Noe nian bala namalibad,
Kay sia wala makatukod pa?
Wala, kundi sa Dios sia nagsalig,
Kag nagtukod kag nagbantala.
2. Sa karon ang sistema tapuson,
Sa kaluoy ang Dios nagsugo
Nga ang katapusan ibalita,
Agod mamati ang may gusto.
Nagsiling ka bala, “Di ’ko puwede;
Sa paghambal ako maluya”?
Apang kon kaluoy sang Dios imo,
Buligan ka nga magbantala.
3. Kay may kaluoy, kamatuoran,
Sa “duta” tuman ang kasadya.
Pagtilaw sa manga kahimtangan
Nga dalhon sang Ginharian n’ya.
Gani ipakita ang kaluoy,
Ang tanan aton paligunon:
Hulag na! Himo sing dedikasyon;
Ginharian sang Dios alagdon.