Kon Mahimo ka Mabuhi sing Dayon Pilion Mo Bala?

Mahimo gid ikaw mabuhi sing dayon sa Paraiso sa duta, subong maathag nga ginapakita sining brosyur. Ang katuyuan sang Dios para sa sini nga mga kahimtangan pat-od nga matuman! Apang dapat mo pilion ang mabuhi sing dayon.

Ina nga pagpili, suno sa gintudlo ni Jesucristo, dapat ipasad sa sibu nga ihibalo tuhoy sa Dios. Ining brosyur gin-aman agod buligan ikaw nga matigayon ina nga ihibalo. Dugang pa nga bulig ang mabaton gikan sa mga Saksi ni Jehova. Malipay sila sa pagduaw sa imo sa oras kag duog nga kombenyente para sa imo. Kag kon luyag mo ang walay bayad nga pagtuon sa Biblia sa puluy-an, mahimo ini ipahibalo paagi sa pagsulat sa Watch Tower, P.O. Box 2044, 1099 Manila, ukon sa nagakaigo nga direksion sa ubos.