Ambahanon 76
Jehova, Dios sang Paghidait
Naimprinta nga Edisyon
1. O, Dios nga Jehova,
Gugma mo ’gabugana.
Ihatag ang paghidait,
Sa imo sumilimba.
Imo kabubut-on,
Amon gid nga tumanon.
Kag kabay ang paghidait,
Amon nga matigayon.
2. Ining kalibutan,
Wala sing kalinungan.
Apang imo nga katawhan,
Imo ginaamligan.
Sa pagtuman namon
Sang imo kabubut-on,
Tani imo bulahanon,
Ang amon hilikuton.
3. Pulong ni Jehova
Nagahatag kapawa.
Nagaamlig, nagatuytoy,
Ang espiritu niya.
Ang paghidait mo
Nagahatag kalinong.
Nagabulig gid sa amon,
Kag ’gahatag kalig-on.
(Tan-awa man ang Sal. 4:8; Fil. 4:6, 7; 1 Tes. 5:23.)