BAHIN 1

Paano Kita Mamati sa Dios?

Nagapakig-istorya sa aton ang Dios paagi sa Biblia. 2 Timoteo 3:16

Gikan sa iya trono sa langit, gin-inspirar ni Jehova ang mga tawo sa pagsulat sang Biblia

Gingiyahan sang matuod nga Dios ang pila ka lalaki nga isulat ang iya panghunahuna sa isa ka balaan nga libro. Ina nga libro amo ang Biblia. Nagaunod ini sang importante nga mga impormasyon nga gusto sang Dios nga mahibaluan mo.

Nahibaluan sang Dios kon ano ang pinakamaayo para sa aton kay sia ang ginhalinan sang kaalam. Kon mamati ka sa iya, mangin matuod ka gid nga maalam.—Hulubaton 1:5.

Ang Biblia sa madamo nga lenguahe; tawo nga nagabasa sang Biblia sa iya lenguahe

Gusto sang Dios nga basahon sang tanan nga tawo ang Biblia. Mabasa na ini subong sa madamo nga lenguahe.

Kon gusto mo pamatian ang Dios, dapat mo basahon kag intiendihon ang Biblia.

Ang mga tawo bisan diin nagapamati. Mateo 28:19

Saksi ni Jehova nga nagabasa sang kasulatan sa isa ka tawo, dayon gintun-an sia sa Biblia

Buligan ka sang mga Saksi ni Jehova nga maintiendihan ang Biblia.

Ginatudlo nila ang kamatuoran parte sa Dios sa bilog nga kalibutan.

Miting sa Kingdom Hall sang mga Saksi ni Jehova

Wala sila nagapabayad sa ila pagpanudlo. Makatuon ka man parte sa Dios sa Kingdom Hall sang mga Saksi ni Jehova sa inyo lugar.