Ang Ginharian nga Magagahom sa Bilog nga Duta

Kabalo ka bala kon ano ini nga Ginharian?— Amo ini ang Ginharian sang Dios, ang Ginharian nga magahimo sa duta nga paraiso. Gusto mo bala mabal-an ang parte sa sini nga Ginharian?—

Ang tanan nga ginharian may hari. Ang hari nagagahom sa mga tawo sa lugar nga iya ginasakupan. Kilala mo bala kon sin-o ang Hari sa Ginharian sang Dios?— Si Jesucristo. Nagaistar sia sa langit, kag sa indi madugay mangin Hari na sia kag mangin sakop niya ang tanan diri sa duta! Sa banta mo, mangin malipayon bala kita kon si Jesus na ang Hari sa bilog nga duta?—

Mangin malipayon gid kita. Sa Paraiso, ang mga tawo indi na mag-ilinaway. Ang tanan magahigugmaanay na. Wala na sing magamasakit ukon mapatay. Ang bulag makakita na, ang bungol makabati, kag ang mga piang makadalagan kag makatumbotumbo. May madamo na nga pagkaon para sa tanan. Kag ang mga sapat magaamiguhay na kag mangin amigo man nila kita. Ang mga napatay banhawon ukon mabuhi liwat. Ang mga lalaki kag babayi nga nakilala mo sa sini nga brosyur pareho nanday Rebeca, Rahab, David, kag Elias, banhawon! Gusto mo bala sila makita kon mabuhi na sila liwat?—

Palangga ka gid ni Jehova kag gusto niya nga mangin malipayon ka. Kon padayon ka nga magtuon parte kay Jehova kag magtuman sa iya, mahimo ka mabuhi sing wala katapusan sa isa ka manami nga paraiso. Gusto mo bala?—