Introduksion sa Seksion 11

Ini nga seksion nagasugid sang mga rekord sa Cristianong Griegong Kasulatan. Si Jesus natawo sa imol nga pamilya nga nagaistar sa gamay nga banwa. Nagabulig sia sa iya tatay nga isa ka panday. Si Jesus amo ang magaluwas sa katawhan. Sia ang ginpili ni Jehova nga mangin Hari sang Ginharian sang langit. Kon isa ikaw ka ginikanan, buligi ang imo bata nga maintiendihan kon paano ginpili sing maayo ni Jehova ang pamilya nga magaatipan kay Jesus kag ang lugar nga iya istaran. Binagbinaga kon paano ni Jehova ginproteksionan si Jesus para indi sia mapatay ni Herodes kag kon ngaa wala sing makapugong sa katuyuan ni Jehova. Hibalua kon paano ginpili ni Jehova si Juan para magpreparar sing dalan para kay Jesus. Ipadaku kon paano ginpakita ni Jesus halin sang bata pa sia nga gusto gid niya ang kaalam ni Jehova.