Adlaw-adlaw nga Maglakat Upod kay Jehova

1. Sa aton pagpanglakaton

Si Jehova aton nga updon.

Kaayo nga wa’y katupong

Ginpakita n’ya sa matarong!

Naghimo sia sing paagi

Para makilala sia.

Gani ang aton panaad,

Alagaron si Jehova.

2. Katapusan malapit na,

Tuman gid kaakig sang Yawa.

Gani aton mapaabot

Nga maagyan ang paghingabot.

Kon huptan ta ang katutom,

Pangamlig n’ya mabaton.

Gugma naton pabakuron;

Alagaron sia sing dayon.

3. Bulig n’ya aton mabaton

Paagi sa iya nga Pulong,

Sa bulig sang kongregasyon

Kag sa pangamuyo man naton.

Kon kaupod si Jehova,

Matarong mahimo ta.

Magabulig sia sa aton

Nga mahuptan ang katutom.