Palig-una ang Isa kag Isa

1. Kon aton nga ginapalig-on

Aton mga kauturan,

Nagasuod kita sa ila;

Paghiusa mabatyagan.

Gugma sang aton kauturan

Nagapabakod sa aton.

Dalangpan gid ang kongregasyon,

Sa aton nagapalig-on.

2. Ang pulong nga makapalig-on

Nagahatag kaumpawan!

Aton ini nga matigayon

Sa aton nga kauturan.

Pareho lang ang aton handum

Kag ang aton tulumuron.

Palig-unon ang kauturan;

Lulan nila aton dalhon.

3. Samtang ang adlaw ni Jehova

’Gahilapit na gid karon.

Ang pagtilipon makabulig

Para nga makapadayon.

Aton tanan nga ginahandum

Alagdon ang Dios sing dayon.

Gani tanan palig-unon ta

Magpabilin nga matutom.