KAHON 16B
Pagpanghayhay kag Pagpanghakroy, Pagmarka, Pagpanglampos—San-o kag Paano?
Ang palanan-awon nga narekord sa Ezequiel kapitulo 9 may modernong adlaw nga katumanan. Kon mahangpan naton kon paano ini matuman, mabuligan kita nga maatubang nga may kaisog ang katapusan sining sistema sang mga butang
‘Pagpanghayhay kag pagpanghakroy’
SAN-O: Sa tion sang katapusan nga mga adlaw, antes sang dakung kapipit-an
PAANO: Ginapakita sang matarong sing tagipusuon nga mga tawo sa ila ginahambal kag ginahimo nga ginakangil-aran nila ang kalautan sini nga kalibutan. Ginbaton nila ang mensahe nga ginbantala, padayon nga nagasuklob sang personalidad sang Cristo, nagpabawtismo bilang simbulo sang ila dedikasyon kay Jehova, kag mainunungon nga nagasuporta sa mga utod sang Cristo.
‘Pagmarka’
SAN-O: Sa tion sang dakung kapipit-an
PAANO: Ang lalaki nga may suludlan sang tinta nga sungay nga ginagamit sang sekretaryo nagarepresentar kay Jesucristo kon mag-abot sia bilang Hukom sang tanan nga pungsod. Ang mangin bahin sang daku nga kadam-an hukman ukon markahan, bilang mga karnero, nga nagapakita nga maluwas sila sa Armageddon
‘Pagpanglampos’
SAN-O: Sa Armageddon
PAANO: Si Jesucristo kag ang iya hangaway sa langit, nga nagalakip sang mga anghel kag sang 144,000 nga kaupod niya nga manuggahom, magalaglag sing bug-os sining malauton nga kalibutan kag magaluwas sa putli nga mga sumilimba pakadto sa matarong nga bag-ong kalibutan