TULUN-AN 12

Kainit kag Empatiya

1 Tesalonica 2:7, 8

KON ANO ANG HIMUON: Maghambal sing sinsero, kag ipakita nga nagaulikid ka sa imo mga tagpalamati.

Hunahunaa ang imo mga tagpalamati. Ihanda ang imo tagipusuon paagi sa paghunahuna sang mga problema nga ila ginaatubang. Imadyina kon ano ang ila ginabatyag.
Pilia sing maayo ang imo mga tinaga. Paumpawi, lugpayi, kag papagsika ang imo mga tagpalamati. Indi maggamit sang mga tinaga nga makapasaklaw sa ila, kag indi maghambal sing negatibo parte sa mga indi tumuluo ukon sa ila mga ginapatihan.
Ipakita ang imo interes. Ipakita nga nagaulikid ka sa imo mga tagpalamati paagi sa paghambal nga may mainayuhon nga tono kag pagkumpas sing nagakaigo. Hunahunaa ang ekspresyon sang imo nawong kag magyuhum pirme.

Mangin natural sa pagpabutyag sang emosyon. Kon nagabasa, ipabutyag ang emosyon nga yara sa dinalan, pero likawi nga masentro ang igtalupangod sa imo kaugalingon. Tinguhai nga mangin mainayuhon ang imo tono kon nagahambal.