TULUN-AN 18

Impormatibo sa Imo mga Tagpalamati

1 Corinto 9:19-23

KON ANO ANG HIMUON: Ipahunahuna ang topiko sa imo mga tagpalamati para mabatyagan nila nga may natun-an sila.

Hunahunaa kon ano na ang nahibaluan sang imo mga tagpalamati. Sa baylo nga suliton lang ang nabatian na nila, buligi sila nga makita ang topiko sa lain naman nga anggulo.

Pahapyawi ang pamilyar nga mga punto, pero hatagi sing bastante nga tion kon nagapresentar sang bag-o nga mga ideya.
Mag-research kag magpamalandong. Kon posible, ilakip ang indi pamilyar nga mga impormasyon ukon bag-o nga mga hitabo para mailustrar ang yabi nga mga ideya. Hunahunaa sing maayo ang imo materyal kag ang koneksion sini sa mga impormasyon nga luyag mo gamiton.

Hunahunaa sing maayo ang materyal paagi sa pagpamangkot sa imo kaugalingon sang ‘ano, ngaa, san-o, diin, sin-o, kag paano.’ Sa imo presentasyon, ipamangkot ang pila sa sini kag dayon sabta para mangin buhi ang imo panudlo.
Ipakita ang kapuslanan sang imo mensahe. Ipaathag sa imo mga tagpalamati kon paano ang mga punto sa Biblia makabulig sa ila adlaw-adlaw nga pagkabuhi. Binagbinaga ang espesipiko nga mga sitwasyon, panimuot, kag paggawi nga mapuslanon sa imo mga tagpalamati.