Epektibo nga Konklusion

Manugwali 12:13, 14

KON ANO ANG HIMUON: Sa imo konklusion, palig-una ang imo mga tagpalamati nga batunon kag iaplikar ang ila natun-an.

KON PAANO INI HIMUON:

• Iangot ang imo konklusion sa kabilugan nga topiko. Sulita ang imo panguna nga mga punto kag tema.

• Pahulaga ang imo mga tagpalamati. Ipakita sa imo tagpalamati kon ano ang ila himuon, kag kon ngaa dapat nila ini himuon. Ipabatyag sa imo panghambal nga ginapatihan mo gid ang imo ginasiling kag importante ini.

• Himua nga simple kag malip-ot ang imo konklusion. Indi magdugang sing bag-o nga panguna nga punto. Paagi sa pila lang ka kinahanglanon nga tinaga, maghatag sing katapusan nga pagpalig-on para manghikot ang mga tagpalamati suno sa ila natun-an.