Mangin Prangka

Ang Ginhimo ni Jesus

VIDEO: Ginlaygayan ni Jesus ang Manggaranon nga Manugdumala

1. Tan-awa ang VIDEO, ukon basaha ang Marcos 10:​17-22. Dayon binagbinaga ang masunod nga mga pamangkot:

1. Ano ang maayo nga mga kinaiya nga mahimo nakita ni Jesus sa manggaranon nga manugdumala?

2. Ngaa kinahanglan ni Jesus mangin mapinalanggaon kag prangka sa paglaygay sa iya?

Ano ang Matun-an Naton kay Jesus?

2. Para mag-uswag sa espirituwal ang aton mga Bible study, kinahanglan mangin prangka kita pero sa mapinalanggaon nga paagi.

Iluga si Jesus

3. Buligi ang imo Bible study nga maghimo kag maglab-ot sang mga goal.

1. Gamita ang feature nga “Ang Puede Mo Himuon” sa kada leksion sang Magkabuhi sing Wala Katapusan!

2. Buligi ang imo Bible study nga mahibaluan ang mga dapat niya himuon para malab-ot niya ang iya mga goal.

3. Dayawa sia sa iya nahimo nga mga pag-uswag.

4. Hibalua ang mga nagapugong sa iya sa pag-uswag kag buligi sia nga masarangan ini.

1. Pamangkuta ang imo kaugalingon:

   • ‘Kon wala nagauswag ang akon Bible study para makapabawtismo, ano ang nagapugong sa iya?’

   • ‘Ano ang puede ko himuon para mabuligan sia?’

2. Mangamuyo nga buligan ka nga prangka mo nga mahambal sa imo Bible study ang mga dapat niya himuon, pero sa mapinalanggaon nga paagi.

5. Untati ang mga Bible study nga wala nagauswag.

1. Hibalua kon nagauswag ang imo Bible study paagi sa pagpamangkot sa imo kaugalingon:

   • ‘Ginaaplikar bala sang akon Bible study ang iya natun-an?’

   • ‘Nagatambong na bala sia sa mga miting kag ginasugid na niya ang kamatuoran sa iban?’

   • ‘Madugay na kami nga nagatuon, gusto na bala niya mangin isa ka Saksi ni Jehova?’

2. Kon wala nagauswag ang imo Bible study:

   • Pamangkuta sia kon ano ang nagapugong sa iya.

   • Mainayuhon nga ipaathag sa iya kon ngaa untaton mo na ang inyo pagtuon.

   • Ihambal sa iya kon ano ang dapat niya pauswagon kon gusto niya padayunon ang inyo pagtuon.