Para sa mga Pamatan-on

Kon Paano Makakita sing Matutom nga mga Abyan

Instruksion: Himua ini sa isa ka malinong nga lugar. Samtang ginabasa mo ang mga teksto, imadyina nga ato ka didto, makita mo ang mga nagakatabo, kag mabatian ang mga tingog. Batyaga man ang ginabatyag sang mga karakter.

Panguna nga mga karakter: Jonatan, David, kag Saul

Sumaryo: Sa tapos nga napatay ni David si Goliat, nangin best friend niya si Jonatan.

1 BINAGBINAGA ANG EKSENA.—BASAHA ANG 1 SAMUEL 17:57–18:11; 19:1; 20:1-17, 41, 42.

Sa banta mo, daw ano kataas si Saul? (Clue: Basaha ang 1 Samuel 10:20-23.)

․․․․․

Tin-edyer pa si David sang nakilala niya si Jonatan. Ano ayhan ang iya itsura? (Clue: Basaha ang 1 Samuel 16:12, 13.)

․․․․․

Ano ayhan ang ginbatyag nanday David kag Jonatan sang mabulagay na sila nga mabasa sa katapusan sang 1 Samuel kapitulo 20?

․․․․․

2 MAG-RESEARCH SING DUGANG PA.

Ang Biblia nagsiling nga “ang kalag ni Jonatan natingub sa kalag ni David” ukon subong ginasiling sang Ang Pulong sang Dios nga Biblia, “nag-amigohay si David kag . . . si Jonatan.” (1 Samuel 18:1) Ano nga mga kinaiya ang nanamian ni Jonatan kay David? (Clue: Basaha ang 1 Samuel 17:45, 46.)

․․․․․

Mga treinta anyos ang namagulangan ni Jonatan kay David. Ngaa nangin “mag-best friend” sila bisan daku ang antad sang ila edad?

․․․․․

Ano gid ang matuod nga abyan, base sa sini nga istorya? (Clue: Basaha ang Hulubaton 17:17; 18:24.)

․․․․․

Ngaa nangin matutom si Jonatan kay David sangsa iya amay?

․․․․․

3 IAPLIKAR ANG IMO NATUN-AN. ISULAT KON ANO ANG IMO NATUN-AN PARTE SA . . .

Pag-abyanay.

․․․․․

Katutom.

․․․․․

Pagpakig-abyan sa mga mas may edad.

․․․․․

Ano ang himuon mo para makakita ka sing maayo nga mga abyan?

․․․․․

4 DIIN NGA BAHIN SINI NGA SUGILANON ANG NANAMIAN MO GID KAG NGAA?

․․․․․

KON WALA KA BIBLIA,PANGAYO SA MGA SAKSI NI JEHOVA, UKON BASAHA INI SA INTERNET SA www.watchtower.org