Para sa mga Pamatan-on
Mag-andam sa Pagkaambisyuso!
Instruksion: Himua ini sa isa ka malinong nga lugar. Samtang ginabasa mo ang mga teksto, imadyina nga ato ka didto, makita mo ang mga nagakatabo, kag mabatian ang mga tingog. Batyaga man ang ginabatyag sang mga karakter.
Panguna nga mga karakter: David, Absalom, Joab
Sumaryo: Gintinguhaan ni Absalom nga agawon ang paggahom sang iya amay.
BINAGBINAGA ANG EKSENA.—BASAHA ANG 2 SAMUEL 14:25-33; 15:1-17; 18:9-17, 30-33.
Ilaragway ang hitsura ni Absalom. (Basaha liwat ang 2 Samuel 14:25, 26.)
Ano sa banta mo ang panimuot kag tono sang tingog ni Absalom samtang ginakumbinsi niya ang mga nagakadto sa hari para sa hustisya? (Basaha liwat ang 2 Samuel 15:2-6.)
Ano ang maimadyin mo sa kinaiya ni Absalom parte sa natabo nga narekord sa 2 Samuel 14:28-30?
MAG-RESEARCH SING DUGANG PA.
Paano nagplano si Absalom nga agawon ang trono? (Clue: Basaha ang 2 Samuel 13:28, 29. Si Amnon amo ang panganay nga anak ni David, gani sia ang manunubli sang trono.)
Bisan pa sang ambisyon kag pagtinguha ni Absalom nga dayawon, ano ang matuod nga pagtamod sang mga tawo sa iya base sa paagi sang paglubong sa iya? (Basaha liwat ang 2 Samuel 18:17.)
Ano sa banta mo ang kabangdanan kon ngaa nangin ambisyuso si Absalom? (Para sa pagpaanggid, basaha ang parte kay Diotrefes sa 3 Juan 9, 10.)
Paano naapektuhan si David sa ginhimo ni Absalom? (Clue: Basaha ang Salmo 3, nga ginsulat ni David sang tion nga nagribok si Absalom.)
IAPLIKAR ANG IMO NATUN-AN. ISULAT KON ANO ANG IMO NATUN-AN PARTE SA . . .
Katalagman sang pagkaambisyuso.
Kasakit nga madulot sang ginhimo sang isa sa iban, pati na sa iya mga ginikanan.
DUGANG NGA APLIKASYON.
Paano ka mahulog sa pagkaambisyuso?
Paano mo malikawan ang pagtubo sang indi nagakaigo nga bugal?
DIIN NGA BAHIN SINI NGA SUGILANON ANG NANAMIAN MO GID, KAG NGAA?
Suhestyon: Imadyina nga lain ang katapusan sini nga sugilanon. Ano ayhan ang natabo kay Absalom kon mapainubuson sia sa baylo nga ambisyuso?—Hulubaton 18:12.