Ano Ang Ginasiling Sang Biblia?

Mangin mahidaiton pa ayhan ang duta?

Ano ang masiling mo?

• Huo

• Indi

• Siguro

Ang ginasiling sang Biblia

Sa paggahom ni Jesucristo, “magabugana ang paghidait tubtob wala na ang bulan”—buot silingon sa wala sing katapusan.—Salmo 72:7.

Ano pa ang matun-an naton sa Biblia?

• Dulaon ang mga malain sa duta, amo nga ang maayo nga mga tawo ‘mangin malipayon gid sa bugana nga paghidait.’ —Salmo 37:10, 11.

• Pauntaton sang Dios ang tanan nga inaway.—Salmo 46:8, 9.

Posible bala ang matuod nga kalinong sa hunahuna subong?

Ang pila ka tawo nagapati . . . nga imposible ang matuod nga kalinong sa hunahuna kon ang kalibutan puno gihapon sang pag-antos kag inhustisya. Ano sa banta mo?

Ang ginasiling sang Biblia

Bisan subong, ang mga suod sa Dios makatigayon sang “paghidait sang Dios nga labaw sa tanan nga paghangop.”—Filipos 4:6, 7.

Ano pa ang matun-an naton sa Biblia?

• Nagpromisa ang Dios nga dulaon niya ang pag-antos kag inhustisya, nga ‘ginahimo nga bag-o ang tanan nga butang.’—Bugna 21:4, 5.

• Matigayon naton ang kalinong kon atipanon naton ang aton “espirituwal nga kinahanglanon.”—Mateo 5:3.