Ano ang Ginasiling sang Biblia?

Ano ang Armageddon?

Ang pila ka tawo nagapati . . .

nga amo ini ang pagkaguba sang kalibutan bangod sang nuklear nga inaway ukon dalagku nga kalamidad. Ano sa banta mo?

Ang ginasiling sang Biblia

Ang Armageddon amo ang simbuliko nga lugar sang “inaway nga mahanabo sa daku nga adlaw sang Dios nga Labing Gamhanan” batok sa mga malaut.—Bugna 16:14, 16.

Ano pa ang matun-an naton sa Biblia?

• Magapakig-away ang Dios sa inaway sa Armageddon, indi para laglagon ang duta, kundi luwason ini sa mga tawo nga nagalaglag sang duta.—Bugna 11:18.

• Tapuson sang inaway sa Armageddon ang tanan nga inaway.—Salmo 46:8, 9.

Posible bala nga maluwas sa inaway sa Armageddon?

Ano ang masiling mo?

• Huo

• Indi

• Siguro

Ang ginasiling sang Biblia

“Ang daku nga kadam-an” sang mga tawo halin sa tanan nga pungsod maluwas sa tion sang “dakung kapipit-an,” nga matapos sa inaway sa Armageddon.—Bugna 7:9, 14.

Ano pa ang matun-an naton sa Biblia?

• Gusto sang Dios nga madamo ang maluwas sa Armageddon. Laglagon lamang niya ang malauton kon wala na gid sing iban nga paagi.—Ezequiel 18:32.

• Ginapaathag sang Biblia kon paano kita maluwas sa Armageddon.—Sofonias 2:3.