“Ang mga Mahagop Magapanubli sang Duta”

Kalabanan sa aton nakakita na sing inhustisya kag pag-antos sang maayo kag inosente nga mga tawo bangod sa mga malain. Magaabot bala ang tion nga wala na sing inhustisya kag kalainan?

Ang Salmo 37 sa Biblia nagahatag sing sabat, lakip sang giya para sa aton subong. Talupangda ang ginasiling sini parte sa importante nga mga pamangkot.

Ano ang dapat naton himuon kon ginahimuan kita sing malain?—Bersikulo 1, 2.
Ano ang matabo sa malaut nga mga tawo?—Bersikulo 10.
Ano ang palaabuton sang mga matarong?—Bersikulo 11, 29.
Ano ang dapat naton himuon subong?—Bersikulo 34.

Ang ginasiling sang Salmo 37 maathag nga nagasugid sang matahom nga palaabuton sang mga ‘nagasalig kay Jehova kag nagasunod sang iya dalanon.’ Nalipay ang mga Saksi ni Jehova nga buligan ka nga matun-an ang Biblia kag mahibaluan kon paano mo mabaton kag sang imo mga pinalangga inang matahom nga palaabuton.

Para sa dugang nga impormasyon parte sa masaligan nga palaabuton nga ginapromisa sang Dios, tun-i ang Biblia paagi sa sini nga brosyur, Magkabuhi sing Wala Katapusan! nga ginbalhag sang mga Saksi ni Jehova. Mabasa man ini sa www.jw.org/hil.