Maghimo sing mga Pagduaw Liwat Para sa Isa ka Mabungahon nga Ministeryo
1 Ginhatagan ni apostol Pablo sing komendasyon ang mga taga-Filipos bangod ila ‘ginbag-o ang ila panghunahuna tungod sa iya.’ (Filip. 4:10) Kon iaplikar naton ang ila halimbawa sa ministeryo sa latagon, aton ‘ginabag-o ang aton panghunahuna’ tungod sa mga ginapanaksihan naton kag ginapahulag sa paghimo sing mga pagduaw liwat.
2 Kon napahamtang mo ang brosyur nga “The Government That Will Bring Paradise,” mahimo nimo masiling ang kaangay sini:
◼ “Nahunahuna ko ang ginhambalan naton sang nagligad nga adlaw. Ayhan madumduman mo nga ginhambalan naton ang tuhoy sa pagbulos sang, Dios sa paggahom sa duta. Nanaad si Jehova nga Dios sa Biblia nga mahanabo ini. [Basaha ang Daniel 2:44.] Nagapati ka bala nga matabo gid ini? [Pasabta sia.] Pamatii kon ano ang ginasiling sang Dios nahanungod sa pagtuman sa iya mga saad. [Basaha ang Isaias 55:11.] Apang san-o tumanon sang Dios ang iya mga saad?” Ipaathag nga pagasabton mo ina nga pamangkot sa masunod mo nga pagduaw.
3 Mahimo nimo gamiton ini nga pagpalapit kon nagaduaw liwat sa tawo nga nakakuha sing brosyur nga “Kon ang Isa nga Ginahigugma Mo Mapatay”:
◼ “Nanikasog gid ako nga makabalik, bangod sang ginhambalan naton nahanungod sa pagtaliwan sang isa sa kamatayon.” Ipakita ang ilustrasyon sa pahina 30 samtang nagasiling ikaw: “Nadumduman mo bala ining makalilipay nga, danyag tuhoy sa mga tawo nga ginbanhaw kag nahiusa liwat sa ila mga hinigugma? Ginpamangkot ko ikaw kon diin ini matabo, sa langit ukon sa duta. Ayhan nakita mo ang sabat sang Biblia sa pahina 26 sining brosyur.” Ipaathag ang pangunang mga punto sa ikatlo tubtob sa ikalimang parapo, kag basaha ang Juan 5:21, 28, 29.
4 Nakasugod ka bala sing pagtuon sa “Toloka! Ginahimo Ko nga Bag-o ang Tanan nga Butang”? Sa pagduaw liwat sarang mo mahimo ini:
◼ Patuhuyi liwat ang pahina 30, kag ipakita ang pamangkot: “Sa anong mga paagi talalupangdon ang Biblia?” Buksi sa pahina 3 kag 4, kag repasuha ang parapo 1-4 subong man ang ilustrasyon sa panghapin. Basaha ang isa ukon duha ka kasulatan nga ginhinambitan sa footnote sa parapo 4. Ipaathag nga ang Biblia amo lamang ang libro nga nagatanyag sinang makatilingala nga paglaum. Maghimos para sa imo masunod nga pagduaw.
5 Mahimo nimo padayunon ang paghambalanay sa “The Divine Name That Will Endure Forever” sa sining paagi:
◼ “Sang nagligad, ginpakita ko sa imo ang ngalan sang Dios sa Biblia. Ang paghibalo kag paggamit sang ngalan nga Jehova isa ka kinahanglanon nga bahin sang aton pagsimba.” Buksi sa pahina 31, repasuha ang-mga punto sa katapusan nga apat ka parapo, kag basaha ang Juan 17:3 kag Miqueas 4:5. Ipaathag ang aton programa sa pagtuon sa Biblia.
6 Gani, bag-uha ang imo panghunahuna tungod sadtong nasugilanon mo. Mangin mapinadayunon sa pagbalik, kag maghanda sing pila ka mapuslanon nga butang nga ipaambit. Mangin isa ikaw sang “tunay nga nagapamunga” sa paghimo sing bag-ong mga disipulo.—Mat: 13:23.