Mga Balita Teokratiko

◼ Ang mga pungsod sa Nakatundan nga Aprika nga amo ang Benin, Cameroon, Côte d’Ivoire, Ghana, Liberia, kag Nigeria nakatigayon tanan sing bag-o nga kataason sang mga manugbantala sang Pebrero.

◼ Madamong refugee ang nagbalik sa Liberia, kag may daku nga kagutom sa kamatuoran sa sina nga pungsod. Ang ila 2,286 nga kataason sang mga manugbantala sang Pebrero, nagreport sing 6,277 ka pagtuon sa Biblia sa puluy-an.

◼ Ang Macao nakatigayon sing 16 porsiento nga pag-uswag sangsa promedyo sang nagligad nga tuig, nga may 135 ka manugbantala nga nagreport sang Pebrero.

◼ Gikan sa Bagatnan nga Pasipiko, ang Fiji, Solomon Islands, kag Tahiti tanan nagreport sing bag-o nga kataason sang mga manugbantala sang Pebrero.

◼ Ang isla sang Madagascar nakatigayon sing bag-ong kataason nga 9,484 ka manugbantala, nga 14 porsiento nga pag-uswag sangsa promedyo sang nagligad nga tuig. Nagreport man sila sing kapin sa 20,000 ka pagtuon sa Biblia sa puluy-an sang Pebrero.