Mga Epekto sang Video nga The Bible​​—⁠Its Power in Your Life

Bilang sabat sa masunod nga mga pamangkot, ipabutyag ang imo tinagipusuon nga komento sa mensahe nga ginaunod sini nga video. (1a) Ano ang nagbulig sa minilyon ka tawo agod mapauswag ang ila kabuhi? (Heb. 4:12) (1b) Ano ang kinahanglan agod matigayon ini nga bulig kag maaplikar ini sa kabuhi? (2) Ano nga mga teksto sa Biblia ang ginsambit agod buligan ang mga magtiayon nga (a) pauswagon ang ila komunikasyon kag (b) punggan ang ila kaakig? (3) Paano ang Cristianong pagtamod sa pag-asawahay nagapauswag sang pagkabuhi sang pamilya? (Efe. 5:​28, 29) (4) Paano si Jehova nga Dios nagpahamtang sing himpit nga halimbawa sa paghatag sa mga kabataan sing tatlo ka butang nga luyag kag kinahanglan nila tanan, kag paano man ini karon mahimo sang mga ginikanan? (Mar. 1:​9-11) (5) Ngaa dapat tudluan sang mga ginikanan ang ila mga anak sa Biblia, kag ano ang nagapakita sang kinahanglanon nga himuon ini sing tayuyon? (Deut. 6:​6, 7) (6) Paano himuon nga makawiwili sang mga ginikanan ang pangpamilya nga pagtuon? (7) Luwas sa pagtuon sa Biblia, ano pa ang ginapahulag sang Pulong sang Dios nga iaman sang mga ginikanan para sa ila mga anak? (8) Paano ang laygay sang Biblia nagabulig sa mga pamilya nga makatibawas sa pangabuhi? (9) Kon iaplikar, anong Makasulatanhon nga mga prinsipio ang nagabulig sa pagbuhin sang mga problema sa panglawas? (10) Ano ang nabulig sang mga prinsipio sang Pulong sang Dios sa imo mismo kabuhi? (11) Ngaa ang pagtan-aw sa sini nga video mahimo nga magpalig-on sa isa nga ginaduaw mo sa ministeryo nga batunon ang isa ka pagtuon sa Biblia sa puluy-an?