Ang Tanan Makatuon Gikan sa Noah—He Walked With God
Basaha ukon repasuha ang Genesis 6:1 tubtob 9:19. Nian tan-awa ang Noah nga video, kag hunahunaa kon paano mo sabton ining mga pamangkot: (1) Ano anay ang kahimtangan sang kalibutan sang panahon ni Noe, kag ngaa nangin amo sini ang kahimtangan? (2) Ngaa pinasahi gid si Noe, ano nga hilikuton ang ginpahimo sa iya sang Dios, kag ngaa? (3) Diin posible gintukod ang arka, daw ano ini ka dugay, kag daw ano ini ka daku? (4) Magluwas sa pagtukod sing arka, ano pa ang ginhimo ni Noe kag sang iya pamilya? (5) Ano sa banta mo ang kahimtangan sa sulod sang arka sang ginsirhan na ang ganhaan? (6) Ano ang mahimo nga batyagon mo sa tapos makalampuwas sa Anaw? (7) Anong pahanumdom tuhoy sa Anaw ang nakita naton sa pulupanag-on, kag ano ang kahulugan sini? (8) Ano ang gintudlo sa imo sang sugilanon sang Biblia nahanungod kay Noe tuhoy sa imo kaugalingon, sa imo pamilya, kag sa hilikuton nga ginapahimo sang Dios sa aton? (9) Anong mga pamangkot ang luyag mo ipamangkot kay Noe kag sa iya pamilya kon masugilanon mo sila sa Paraiso? (10) Paano mo ginaplano nga gamiton ang Noah nga video sa karon?