Mga Pahanumdom para sa Memoryal

Ang pagsaulog sing Memoryal sa sini nga tuig matupa sa Huebes, Marso 28. Dapat hatagan sing igtalupangod sang mga gulang ang masunod nga mga butang:

◼ Sa pagtalana sang tion para sa miting, pat-ura nga indi anay pag-ipasa ang mga emblema kon wala pa magtunod ang adlaw.

◼ Ang tanan, lakip ang humalambal, dapat pahibaluon sang husto nga tion kag lugar sang pagsaulog.

◼ Dapat mahanda na ang nagakaigo nga sahi sang tinapay kag bino.​​—⁠Tan-awa ang Agosto 15, 1985, Lalantawan, pahina 19.

◼ Ang mga plato, kopa, kag isa ka maayo nga lamesa kag mantil dapat dalhon na sing temprano sa lugar nga pagahiwatan.

◼ Ang Kingdom Hall ukon iban nga lugar nga pagahiwatan dapat matinluan na nga daan sing maayo.

◼ Dapat pilion na ang mga attendant kag mga serbidor kag instruksionan sila sing abanse tuhoy sa ila mga katungdanan, sa husto nga pamaagi nga dapat sundon, kag dapat talahuron ang panapot kag pamustura.

◼ Dapat may kahimusan nga maserbehan sing emblema ang bisan sin-o nga hinaplas nga may kasablagan kag indi makatambong.

◼ Kon kapin sa isa ka kongregasyon ang nakaiskedyul nga maggamit sa isa lang ka Kingdom Hall, dapat may koordinasyon sa mga kongregasyon agod malikawan ang pagginutok sa hululatan ukon ganhaan, sa pangpubliko nga mga alagyan, kag sa parkingan.