Repaso para sa Adlaw sang Pinasahi nga Asambleya

Gamiton ini nga materyal sa paghanda kag pagrepaso sa programa sa adlaw sang pinasahi nga asambleya sa 2005. Ginpaathag sang artikulo nga “Bag-o nga Kahimusan sa Pagrepaso sa mga Programa Sang Asambleya,” nga masapwan sa pahina 4 sa sini nga suplemento, kon paano ini dumalahan. Sa tion sang repaso, bahinbahina ang tion agod mabangon ang tanan nga pamangkot. Ang repaso dapat isentro kon paano iaplikar ang ginpresentar nga mga impormasyon.

SESYON SA AGA

1. Ngaa kinahanglanon gid nga mamati kita kay Jehova? Ano ang kahulugan sang pagpamati? (“Kon Ngaa Dapat Kita Magpamati sa Tingog ni Jehova”)

2. Paano mamentinar sang pamilya ang maayo nga programa sang espirituwal nga hilikuton? (“Mga Pamilya nga Walay Tublag nga Nagapamati sa Pulong Sang Dios”)

3. Paano ang mga kauturan sa sirkito nagahimulos sang mga kahigayunan sa pagpanaksi sing di-pormal? (“Paghimo Sang Tanan nga Butang sa Kahimayaan Sang Dios”)

4. Ano nga mga leksion ang aton matun-an gikan sa paandam nga masapwan sa Hebreo kapitulo 3 kag 4? Paano si Jehova nagahambal sa aton karon? (“Ang Pagpamati Samtang Nagahambal ang Dios Nagaamlig sa Aton”)

5. Paano ka nakabenepisyo sa pamulongpulong sa bawtismo? (“Dedikasyon kag Bawtismo”)

SESYON SA HAPON

6. Ano ang matun-an naton kay Jesus subong pamatan-on, kag paano ang mga pamatan-on sa sirkito nagailog sa iya halimbawa? (“Kon Paano ang Atentibo nga Pagpamati sa Pulong Sang Dios Nagapabakod sa Aton mga Pamatan-on”)

7. Ano ang pila ka paagi nga ang mga ginikanan makasugod sa paghanas sa mga lapsag kag magagmay nga kabataan sa mga dalanon ni Jehova? (“Ang mga Bata nga Nagapamati sa Dios kag Nagatuon”)

8. Ano ang pila ka espesipiko nga mga bahin nga kinahanglan naton nga mamati kay Jehova, sa iya Anak, kag sa “matutom kag mainandamon nga ulipon”? (Mat. 24:45) Ngaa importante gid ini? (“Hatagi Sing Dalayon nga Igtalupangod ang Instruksion Sang Dios”)