Kon Ano ang Isiling Tuhoy sa mga Magasin

Ang Lalantawan Nob. 15

“Madamo ang nagapalibog kon ngaa ang mga problema sang katawhan wala sing kasulbaran, kundi labi pa gid nga nagalala. Nabasa mo na bala sa sini nga teksto ang posible nga rason? [Basaha ang Bugna 12:9. Tuguti sia nga makasabat.] Ginabinagbinag sini nga magasin ang mga pahito sang Yawa agod limbungan ang mga tawo kag kon paano naton mapamatukan ang iya impluwensia.”

Awake! Dis. 8

“Bisan pa nga bastante nga pagkaon ang ginapatubas agod makakaon ang tanan sa kalibutan, mga 800 milyones ang ginagutom. Indi bala makahalanusbo gid ini? [Tuguti sia nga makasabat.] Ginausisa sini nga magasin ang nagadugang nga hangkat agod pakaunon ang mga tawo sa mga siudad. Ginabinagbinag man sini ang saad sang Biblia tuhoy sa isa ka kalibutan nga wala na sing gutom.” Basaha ang Salmo 72:16a.

Ang Lalantawan Dis. 1

“Kon mabatian sang mga tawo ang tinaga nga ‘Armagedon,’ madamong makahaladlok nga mga danyag sang lapnag nga kalaglagan ang ila mapensaran. [Ipakita ang kahon sa pahina 3.] Mapati ka ayhan kon mahibaluan mo nga ang Armagedon amo gali ang isa sa pinakamaayo nga mga butang nga matabo sa aton? [Tuguti sia nga makasabat.] Ini nga magasin nagapaathag kon ngaa.” Basaha ang 2 Pedro 3:13.

Magmata! Dis. 8

“Luyag ko nga sugiran ikaw tuhoy sa tion nga ang tanan may yara na nagakaigo nga puluy-an. Indi bala makapasubo gid nga madamo ang tawo ang wala sing puluy-an? [Tuguti sia nga makasabat. Nian basaha ang Isaias 65:21, 22.] Ginausisa sini nga magasin ang mga kabangdanan sang pagkawalay puluy-an. Ginapaathag man sini kon paano tumanon sang Dios ang saad nga ginbasa naton.”