Ano ang Himuon Mo sa Imo Kabuhi?
1 Kon kaisa ginapamangkot ang mga bata, “Ano gusto mo pagdaku mo?” Subong bata nga lalaki, ayhan nagasabat ka nga luyag mo mangin doktor? inhinyero? manugtatap sang sirkito? Ukon subong bata nga babayi, mahimo nga nagasabat ka nga luyag mo mangin maestra? nars? misyonera? Karon nga daku ka na, dapat mo pamangkuton ang imo kaugalingon sing isa pa ka pamangkot, ‘Ano ang himuon ko sa akon kabuhi?’ Handa ka na bala sa pagdesisyon?
2 Agod buligan ka sa paghimo sing pinakamaayo nga desisyon, nag-aman ang organisasyon ni Jehova sing DVD nga Young People Ask—What Will I Do With My Life? Palihug tan-awa ini, kag binagbinaga sing maayo ang tanan nga kaundan sini, lakip ang drama, mga interbyu, kag suplementaryo nga materyal. Ang mga kaundan yara sa kahon nga “Main Menu.”
3 Drama: Samtang ginatan-aw mo ang drama, binagbinaga ini nga mga pamangkot: (1) Sa ano magkaanggid si Timoteo nga ginsambit sa Cristianong Griegong Kasulatan, kag si Andre? (Binu. 16:1; 1 Tim. 4:8; 2 Tim. 1:5) (2) Paano gin-ipit si Andre nga mangibabaw subong atleta, kag ni sin-o? (3) Sin-o ang may maayong impluwensia kay Timoteo kag kay Andre, kag sa anong mga paagi? (2 Tim. 1:1-4; 3:14, 15) (4) Paano ang laygay sa Mateo 6:24 kag Filipos 3:8 nakaapektar kay Andre, kag paano ini nagaapektar sa imo?
4 Pinili nga mga Danyag: Pagkatapos matan-aw ang bug-os nga drama, ipasalida liwat ang masunod nga mga danyag, kag sabta ining mga pamangkot. “Paul and Timothy”: Ano ang katapusan nga laygay ni Pablo kay Timoteo? (2 Tim. 4:5) “Giving Jehovah Your Best”: Ano ang imo espirituwal nga mga tulumuron? “Taking a Stand for Jehovah”: Sa diin naggikan ang matuod nga kalipay? “Grandmother’s Advice”: Ano ang malain sa handum nga mangin bantog sa kalibutan ni Satanas? (Mat. 4:9) “No Regrets”: Ano ang nasapwan mo nga makabulig sa imo agod makasapo sing kaayawan sa kabuhi?—Hulu. 10:22.
5 Mga Interbyu: Samtang ginatan-aw mo ang tagsa sa masunod nga seksion, ano ang imo nahangpan nga mahimo mo agod mahatag mo ang imo pinakamaayo kay Jehova? (1) “Dedikasyon sa Walay Kapuslanan nga mga Butang ukon sa Dios?” (1 Juan 2:17); (2) “Tun-i nga Magkalipay sa Imo Ministeryo” (Sal. 27:14); kag (3) “Isa ka Bukas nga Ganhaan Para sa Pag-alagad.”—Mat. 6:33.
6 Paghinumdom: Masabat mo bala? (1) Ano nga mga karera ang ginatinguhaan sang nga kauturan, kag ngaa? (2) Daw ano sila ka madinalag-on? (3) Ano ang pinakaimportante nga pagbag-o sa kabuhi sang kada isa? (2 Cor. 5:15) (4) Anong teokratikong karera ang ila ginbulos sa ila karera sang una, kag ngaa sa banta nila indi nila ini mahimo dunganon? (5) Naghinulsol bala sila kay ginbag-o nila ang ila tulumuron? (6) Ano ang ila ginsiling nga nagpahunahuna gid sa imo kon ano ang dapat mo himuon sa imo kabuhi?
7 Suplementaryo nga mga Interbyu: Sa sini nga mga interbyu, ano ang imo natun-an nga sarang mo maaplikar agod maalagad sing bug-os si Jehova? (1) “Ang Balor Sang Personal nga Pagtuon,” (2) “Alternatibo nga Pagpanaksi,” (3) “Pag-alagad sa Bethel,” (4) “Gilead Missionary Training, kag (5) “Ministerial Training School.” Repasuha ang “Index to Published Information on Related Subjects,” kag magbasa sing dugang pa tuhoy sa imo gid nanamian.
8 Busa nakadesisyon ka na bala kon ano ang imo himuon sa imo kabuhi? Ginpalig-on ni Pablo si Timoteo: “Pamalandungi ini nga mga butang; mag-ukod sa sini, agod ang imo pag-uswag madayag sa tanan nga tawo.” (1 Tim. 4:15) Ginapalig-on ka namon nga himuon man kon ano ang imo nakita kag nabatian sa sini nga DVD. Pangabaya si Jehova nga buligan ka nga makadesisyon sing maalamon agod matigayon mo ang matuod nga kalipay kag kaayawan sa kabuhi karon subong man sang makapaladya kag malipayon nga palaabuton.
[Kahon sa pahina 6]
MAIN MENU
Play Drama
Scenes (11 selections)
Interviews
Play All
Sections (3 selections)
Looking Back
Supplementary Material
Supplementary Interviews
Index to Published Information on Related Subjects
Subtitles
Hearing Impaired
None
Agod makadtuan ang mga menu, gamita ang Next▶, ◀ Back, kag Main Menu nga mga buton.