Ang 2011 Calendar Nagapadaku sang Pangpamilya nga Pagsimba
Ang tema sang 2011 Calendar of Jehovah’s Witnesses amo ang Pangpamilya nga Pagsimba. Ginapakita sa sini nga kalendaryo ang mga pamilya karon kag ang katumbas sini sa panahon sang Biblia. Ginapakita man sa sini ang mga mag-asawa kag mga di-minyo nga alagad ni Jehova nga nagatuon sang Iya Pulong.
Ang mga karakter sa Biblia nga makita sa kalendaryo nalipay gid sa kasuguan ni Jehova, kag nakabulig ini sa ila nga maatubang ang ila mga kabudlayan. (Sal. 1:2, 3) Samtang ginausisa naton ang tagsa ka larawan sa kalendaryo, ginapahanumduman kita sini nga importante gid ang Pangpamilya nga Pagsimba, daku man ukon gamay ang pamilya, nabahinbahin man ukon nahiusa sa espirituwal. May blangko nga linya sa kalendaryo para sulatan sang adlaw sang inyo Pangpamilya nga Pagsimba. Nasulatan na bala ninyo ini?