Pamangkot

◼ Dapat bala mangamuyo kon nagadumala sing pagtuon sa Biblia sa ganhaan?

Madamo sing benepisyo kon buksan kag takpan sa pangamuyo ang isa ka pagtuon sa Biblia. Paagi sa pangamuyo, ginapangabay naton ang balaan nga espiritu ni Jehova nga maggiya sa aton nga pagtuon. (Luc. 11:13) Ginapadaku man sini sa aton estudyante nga isa ka serioso nga butang ang pagtuon sa Biblia, kag nagatudlo ini sa iya kon paano mangamuyo. (Luc. 6:40) Gani, mas maayo nga umpisahan dayon ang pagpangamuyo tubtob posible. Apang bangod indi palareho ang kada kahimtangan, dapat mangin mahinantupon ang manugbantala kon bala mangamuyo kon nagadumala sing pagtuon sa Biblia sa ganhaan.

Ang isa ka importante nga butang nga binagbinagon amo ang lugar. Kon wala gawa sing iban nga tawo, mahimo ka makapangamuyo sing malip-ot sa pagbukas kag pagtakop sang isa ka regular nga pagtuon sa Biblia. Apang kon makakuha ini sing atension sang mga tawo kag masaw-ahan ang estudyante, mas maayo nga indi anay mangamuyo asta mahiwat ang pagtuon sa mas pribado nga lugar. Bisan diin man ginahiwat ang pagtuon, dapat kita maggamit sing paghantop kon san-o sugdan ang pagpangamuyo.—Tan-awa ang Abril 2005 nga Ang Aton Ministeryo sa Ginharian, pahina 8.