Ang Aton Opisyal nga Web Site—Gamita Ini sa Ministeryo

Isugid sa mga Tawo ang Parte sa Web Site: Nagapangalag-ag ang iban nga makig-istorya sa aton ukon magbaton sang literatura. Pero mahimo nga gusto nila mahibaluan kon sin-o ang mga Saksi ni Jehova paagi sa pagbisita sa jw.org. Gani isugid ang parte sa Web site kon may kahigayunan.

Pagsabat sa mga Pamangkot: Kon kaisa ang tagbalay, interesado, ukon aton kilala mangusisa parte sa mga Saksi ni Jehova ukon sa aton mga pagpati. Ipakita dayon sa iya ang sabat paagi sa mobile device ukon kompyuter. Pero kon magbasa kita sang teksto, mas maayo gid nga gamiton naton ang Biblia. Kon wala kita sing mobile device, ipaathag sa tawo kon paano niya gamiton ang jw.org sa pagpangita sing sabat.—Buksi ang “Bible Teachings/Bible Questions Answered” ukon “About Us/Frequently Asked Questions.”

Magpadala sing Artikulo ukon Publikasyon sa mga Kilala Mo: I-attach ang na-download nga PDF ukon EPUB sa e-mail, ukon mag-download sang rekording sa audio sang isa ka publikasyon kag ibutang sa CD. Kon mahatagan mo ang indi bawtismado sing kompleto nga elektroniko nga kopya sang libro, brosyur, ukon magasin, mahimo mo ini irekord subong placement. Pero indi ini pag-ipadala sa indi mo kilala ukon sing tingob sa madamo nga e-mail address. Indi man ini pag-i-upload sa bisan ano nga Web site.—Buksi ang “Publications.”

Ipakita ang Pinakabag-o nga mga Report Parte sa mga Saksi ni Jehova: Makabulig ini sa estudyante kag sa iban nga maapresyar ang aton bug-os kalibutan nga hilikuton kag paghiusa subong Cristiano. (Sal. 133:1)—Buksi ang “News.”

[Diagram sa pahina 5]

(Para sa aktual nga pormat, tan-awa ang publikasyon)

Himua Ini

1 I-klik ang “Publications,” kag magpili sang publikasyon nga luyag mo i-download, dayon magpili kon ano nga pormat ang luyag mo.

2 I-klik ang MP3 para makita ang listahan sang mga artikulo. I-klik ang tig-ulo sang artikulo para ma-download ini ukon ▸ ang para mapamatian ini.

3 Kon luyag mo mag-download sang publikasyon sa iban nga lenguahe, magpili diri.