Ano ang mga Benepisyo sang Personal nga Teritoryo?
1. Ano ang personal nga teritoryo?
1 Ano ang personal nga teritoryo? Ini ang imo kaugalingon nga teritoryo nga mahimo malapit sa inyo lugar. Makapangabay ka sini kon daku ang teritoryo sang inyo kongregasyon. Ang Organisado nga libro sa pahina 103 nagasiling: “Bangod may kaugalingon ka nga teritoryo nga kombeniente sa imo, magamit mo sing epektibo ang tion nga ginahinguyang mo sa pag-alagad sa latagon. Subong man, mahimo hagaron mo ang isa pa ka manugbantala sa pagpangabudlay upod sa imo sa imo personal nga teritoryo.”
2. Paano ang personal nga teritoryo dugang sa grupo nga pagbantala?
2 Dugang sa Grupo nga Pagbantala: Kon may personal ka nga teritoryo malapit sa imo ginaubrahan, makadtuan mo ini pagkatapos panyaga ukon antes magpauli sa inyo balay, ayhan upod sa isa ka utod nga nagaobra malapit sa imo ginaubrahan. Kon ang teritoryo malapit sa inyo balay, mahimo mo ini kadtuan sa gab-i upod sa imo pamilya. Bangod wala sing miting para sa pag-alagad sa latagon, nagakaigo nga mangamuyo kay Jehova antes magbantala. (Fil. 4:6) Dapat man mangin balanse ang imo tion nga ginahinguyang sa imo personal nga teritoryo kag sa pagsakdag sa kahimusan sang kongregasyon sa grupo nga pagbantala. Maayo nga suportahan mo ang imo grupo ilabi na kon Sabado kag Domingo nga madamo ang nagagua sa latagon.
3. Ano ang mga benepisyo sang personal nga teritoryo?
3 Mga Benepisyo: Kon may personal ka nga teritoryo, may lugar ka nga mabantalaan bisan ano nga oras. Madamo ka sing tion sa pagbantala kay indi ka na kinahanglan magbiyahe sing malayo. Bangod sini, ang pila mahimo makaauxiliary ukon makaregular payunir. Ang mga interesado mahapos mo balikan kag sugdan sa pagtuon sa Biblia kay lapitay lang kamo. Nakabulig sa kalabanan ang personal nga teritoryo agod makilala ang mga interesado kag mapalambo ang ila pagsalig bangod pila ka beses ini nga ginpanghikutan antes ibalik sa kongregasyon agod pangabayon naman sang iban. Makabulig bala sa imo kag sa imo pamilya ang personal nga teritoryo agod matuman sing bug-os ang inyo ministeryo?—2 Tim. 4:5.