Maagda Mo Bala Sila?

Sa madamo nga kongregasyon, may mga manugbantala nga nalimitehan sa pagpakigbahin sa ministeryo bangod sa malubha nga balatian ukon katigulangon. (2 Cor. 4:16) Maagda mo bala ang isa sa ila nga updan ka sa imo pagtuon sa Biblia? Kon ang manugbantala indi makahalin sa ila puluy-an, mahimo mo bala hiwaton ang pagtuon sa ila puluy-an? Mahimo mo bala updon ang manugbantala nga maluya na ang panglawas sa pagbantala sa pila ka balay ukon sa pagduaw liwat? Ang tigulang nga mga manugbantala madamo sing eksperiensia sa ministeryo. Gani, indi lamang sila ang mapalig-on kundi ikaw man. (Roma 1:12) Isa pa, pakamaayuhon gid ni Jehova ang imo mga panikasog nga ipakita ang gugma sa sini nga paagi.—Hulu. 19:17; 1 Juan 3:17, 18.