Pamangkot

◼ Dapat bala magpandong ang babayi nga manugbantala kon kaupod niya ang lalaki nga manugbantala sa pagdumala sing pagtuon sa Biblia sa ganhaan?

Kon ang babayi nga manugbantala nagadumala sing regular nga pagtuon sa Biblia kag kaupod niya ang lalaki nga manugbantala, dapat sia magpandong. (1 Cor. 11:3-10) Ang Hulyo 15, 2002, nga gua sang Ang Lalantawan, pahina 27, nagpaathag: “Isa ini ka kahimusan nga sesyon sang pagpanudlo nga ginadumalahan mismo sang nagadumala sa pagtuon. Sa sini nga mga kahimtangan, ang pagtuon nangin bahin sang kongregasyon. Kon ini nga pagtuon ginadumalahan sang isa ka bawtismado nga babayi nga Saksi kag may bawtismado nga lalaki nga Saksi, nagakaigo nga magtakdong sia sa ulo.” Naaplikar ini sa pagtuon sa puluy-an, sa ganhaan, ukon sa iban pa nga kahimtangan.

Sa pihak bahin, kon ang pagtuon sa Biblia sa ganhaan indi pa regular, indi kinahanglan nga magpandong ang sister kon may upod sia nga lalaki nga manugbantala, bisan pa ang tuyo sang pagduaw liwat amo ang pagsugod sing pagtuon sa Biblia ukon pagbinagbinag sang materyal nga ginagamit sa pagtuon. Bangod ang pagtuon sa ganhaan amat-amat nga mangin regular paagi sa padayon nga pagduaw liwat, dapat binagbinagon sang mga manugbantala ang mga kahimtangan kag mangin makatarunganon kon san-o dapat magpandong.