Pagpauswag sang Aton mga Ikasarang sa Ministeryo—Pag-umpisa sa Paghambalanay Agod Makapanaksi sing Di-pormal

Kon Ngaa Importante: Kon nagapamalaybalay kita, madamo nga tawo ang wala sa ila balay. Pero, mahimo maistorya naton sila sa pangpubliko nga salakyan, kon nagahulat sa klinika sang doktor, kon break sa trabaho ukon eskwelahan, kag iban pa. Kabubut-on ni Jehova nga makabati ang tanan sang mensahe sang Ginharian. (1 Tim. 2:3, 4) Sa masami, agod makapanaksi, dapat kita ang mag-umpisa sa paghambalanay.