Magsalig kay Jehova kag Himua ang Maayo

“Indi ka . . . magkahisa sa mga nagahimo sing malain”

37:1, 2

• Indi pagtuguti nga magtublag sa imo pag-alagad kay Jehova ang temporaryo nga kadalag-an sang malauton nga mga tawo. Magpokus sa espirituwal nga mga pagpakamaayo kag tulumuron

“Magsalig ka kay Jehova kag himua ang maayo”

37:3

• Magsalig kay Jehova nga buligan ka niya nga malandas ang mga pangduhaduha ukon kabalaka. Buligan ka niya nga makapabilin nga matutom

• Padayon nga mangin masako sa pagpaambit sang maayong balita sang Ginharian sang Dios

“Magkalipay ka kay Jehova”

37:4

• Maghimo sing iskedyul sa pagbasa sang Pulong sang Dios kag sa pagpamalandong sini para makilala mo pa gid si Jehova

“Itugyan kay Jehova ang imo dalanon”

37:5, 6

• Magsalig sing bug-os kay Jehova nga buligan ka niya nga maatubang ang bisan ano nga problema

• Hupti ang maayo nga paggawi kon nagaatubang sang pagpamatok, paghingabot, ukon pagpakalain

“Magpakalinong ka sa atubangan ni Jehova kag hulata sia nga may kalangkag”

37:7-9

• Likawi ang pagpadasudaso nga makadula sang imo kalipay kag makaguba sang imo kaangtanan kay Jehova

“Ang mga mahagop magapanubli sang duta”

37:10, 11

• Mangin mahagop, kag mapainubuson nga maghulat kay Jehova nga dulaon niya ang tanan nga inhustisya nga imo naeksperiensiahan

• Buligi ang mga kauturan, kag paumpawi ang mga naluyahan paagi sa saad sang Dios nga bag-ong kalibutan, nga malapit na gid