Sampol nga mga Presentasyon

MAGMATA!

Pamangkot: Sa banta mo, dapat gid bala islan ang malain nga batasan sang maayo?

Teksto: Man 7:8a

Pagtanyag: Ini nga mga artikulo nagapaathag sang mga prinsipio sa Biblia nga makabulig sa aton para mapauswag ang aton mga batasan.

MAGMATA!

Pamangkot: Indi malikawan ang mga pagbag-o sa kabuhi. Sa banta mo, ano ang pinakamaayo nga himuon kon may mga pagbag-o?

Teksto: Man 7:10

Pagtanyag: [Ipakita ang artikulo sa pahina 10.] Mabasa mo sa sini nga artikulo ang mga prinsipio sa Biblia nga makabulig sa aton kon may mga pagbag-o.

PAMATII ANG DIOS AGOD MAGKABUHI KA SING WALAY KATAPUSAN

Pamangkot: Tanan kita may ngalan. Ang aton kapamilya kag mga abyan may ngalan man. Ti, ano ’ya ang ngalan sang Dios?

Teksto: Sa 83:18

Pagtanyag: Ginasugid sini nga brosyur ang iban pa nga butang nga ginatudlo sang Biblia parte sa Dios. [Ipakita ang pahina 6 kag 7.]

MAGHIMO SANG IMO PRESENTASYON

Gamita ang pormat sini nga mga presentasyon agod maghimo sang imo presentasyon para sa pag-alagad sa latagon.