PAGKABUHI BILANG CRISTIANO
Mga Pamatan-on—Indi Na Magpabuyanbuyan sa Pagsulod sa “Daku nga Puertahan”
Mahimo pamatyag naton hoben lang kita asta san-o kag indi naton maeksperiensiahan “ang makapasubo nga mga adlaw” nga ginabatyag sang mga tigulang sa sining kalibutan nga ginakontrol ni Satanas. (Man 12:1) Kon pamatan-on ka, pamatyag mo bala madamo ka pa man sing tion sa paglab-ot sang espirituwal nga mga tulumuron pareho sang bug-os tion nga ministeryo?
“Ang wala ginapaabot nga hitabo nagakatabo” sa aton tanan, pati na sa mga pamatan-on. (Man 9:11) “Wala kamo makahibalo kon ano ang matabo sa inyo buas.” (San 4:14) Gani indi na magpabuyanbuyan sa paglab-ot sang espirituwal nga mga tulumuron. Magsulod na sa “daku nga puertahan sang kahigayunan para sa madamo nga hilikuton” samtang bukas pa ini para sa imo. (1Co 16:9) Indi mo gid ini paghinulsulan.
Mga espirituwal nga tulumuron nga puede mo lab-uton:
Pagbantala sa iban nga lenguahe
Pagpayunir
Pag-eskwela sa teokratiko nga mga eskwelahan
Pagboluntaryo sa konstruksion
Pag-alagad sa Bethel
Pag-alagad bilang manugtatap sang sirkito