PAGKABUHI BILANG CRISTIANO
Magkabuhi Para Dayawon si Jehova!
Ang kabuhi isa ka hamili nga regalo. Ang paggamit naton sini kada adlaw nagapakita kon paano naton ginaapresyar ini regalo. Subong mga Saksi ni Jehova, ginatinguhaan naton nga gamiton ang aton mga talento kag ikasarang para padunggan kag himayaon si Jehova, ang Manughatag sing Kabuhi. (Sa 36:9; Bug 4:11) Pero bangod sa mga kabalaka sa kabuhi kada adlaw sa sining malaut nga kalibutan, mahimo naton mapabay-an ang espirituwal nga mga butang. (Mar 4:18, 19) Gani maayo nga pamangkuton naton ang aton kaugalingon: ‘Ginahatag ko gid bala ang akon pinakamaayo kay Jehova? (Os 14:2) Ginasablagan bala sang akon obra ang akon pag-alagad kay Jehova? Ano ang akon espirituwal nga mga tulumuron? Paano ko pa gid mapasangkad ang akon ministeryo?’ Kon may nakita ka nga palauswagon, ipangamuyo kay Jehova nga buligan ka nga mahimo mo ini. Ang pagdayaw kay Jehova kada adlaw nagahatag gid sa aton sing kaayawan kag kalipay!—Sa 61:8.
Para kay sin-o mo ginagamit ang imo talento?
TAN-AWA ANG VIDEO NGA GAMITA ANG IMO TALENTO SA PAG-ALAGAD KAY JEHOVA, DAYON SABTI ANG MASUNOD NGA MGA PAMANGKOT:
Ngaa indi gid maalamon nga gamiton ang imo talento para sa kalibutan ni Satanas? (1Ju 2:17)
Ano ang mga pagkamaayo sa mga nagahatag sang ila pinakamaayo kay Jehova?
Sa ano nga klase sang sagrado nga pag-alagad mahimo mo gamiton ang imo talento kag ikasarang?