Mga Ginikanan, Hatagi ang Inyo mga Bata sing Pinakamaayo nga Kahigayunan nga Magmadinalag-on

Handum gid sang nagakahadlok sa Dios nga mga ginikanan nga mangin matutom kay Jehova ang ila mga bata. Mahimo ini sang mga ginikanan paagi sa pagpatudok sang mga panudlo sang Biblia sa tagipusuon sang ila mga bata halin sa pagkalapsag. (Deu 6:7; Hul 22:6) Mahapos bala ini himuon? Indi. Pero daku gid ang kalipay nga resulta sini.—3Ju 4.

Makatuon gid ang mga ginikanan kanday Jose kag Maria. “Kinabatasan [nila] nga magkadto kada tuig sa Jerusalem sa kapiestahan sang Paskua,” bisan pa kinahanglan sila magsakripisyo kag maggasto. (Lu 2:41) Importante gid sa ila ang espirituwal nga kinahanglanon sang ila pamilya. Magiyahan man sang mga ginikanan ang ila mga bata sa husto nga direksion kon gamiton nila ang tanan nga kahigayunan para matudluan ang ila mga bata paagi sa pulong kag sa halimbawa.—Sa 127:3-5.

TAN-AWA ANG VIDEO NGA WALA NILA GINBALIBARAN ANG MGA PRIBILEHIYO, DAYON SABTI ANG MASUNOD NGA MGA PAMANGKOT:

• Paano gin-una nanday Jon kag Sharon Schiller ang Ginharian bisan pa may mga bata sila?

• Ngaa dapat ibagay sang mga ginikanan ang ila disiplina sa kinahanglan sang kada bata?

• Paano mahanda sang mga ginikanan ang ila mga bata sa mga pagtilaw sa ulihi?

• Ano nga mga galamiton nga gin-aman sang organisasyon ni Jehova ang nagamit mo na para buligan ang imo mga bata nga mag-uswag sa espirituwal?