Social Networking—Likawi ang mga Katalagman

KON NGAA IMPORTANTE: Pareho sa bisan ano nga gamit, ang social network may kapuslanan pero may katalagman man. Ang pila ka Cristiano nagdesisyon nga indi maggamit sing social network. Ang iban nga Cristiano nagagamit sing social network para makakomunikar sila sa ila pamilya kag mga abyan. Pero, gusto sang Yawa nga gamiton naton sing indi insakto ang social network para maguba ang aton reputasyon kag ang aton relasyon kay Jehova. Pareho kay Jesus, magamit man naton ang mga prinsipio sa Pulong sang Dios para makita ang mga katalagman kag malikawan ini.—Lu 4:4, 8, 12.

KATALAGMAN NGA DAPAT LIKAWAN:

• Sobra nga paggamit sang social media. Kon naadik na kita sa social network ukon social media, wala na kita sing tion para sa espirituwal nga mga butang

  Prinsipio sa Biblia: Efe 5:15, 16; Fil 1:10

• Pagtan-aw sing indi maayo nga mga butang. Ang pagtan-aw sing mga binastos magaresulta sa pagkaadik sa pornograpiya ukon paghimo sing imoralidad. Ang pagbasa sing mga balasahon ukon mga blog sang apostata makahalit sa aton pagtuo

  Prinsipio sa Biblia: Mat 5:28; Fil 4:8

• Pag-post sing indi nagakaigo nga mga komento ukon piktyur. Malimbungon ang aton tagipusuon, gani mahimo kita maka-post sing indi nagakaigo nga komento ukon piktyur sa social network. Pero mahimo ini makaguba sang aton reputasyon kag magpaluya sang aton pagtuo

  Prinsipio sa Biblia: Ro 14:13; Efe 4:29

TAN-AWA ANG VIDEO NGA MANGIN MAALAMON SA PAGGAMIT SANG SOCIAL-NETWORK, DAYON REBYUHA KON PAANO MALIKAWAN ANG MASUNOD NGA MGA SITWASYON: