Pagpauswag sang Aton Ikasarang sa Ministeryo—Paggamit sang JW.ORG

KON NGAA IMPORTANTE: Ang tanan nga publikasyon sa aton Teaching Toolbox nagatudlo sa mga tawo nga magkadto sa jw.org. Ang matuod, amo ini ang panguna nga katuyuan sang contact card kag sang tract nga Diin Makita ang Sabat sa Importante nga mga Pamangkot sa Kabuhi? Makapahamtang ka sing publikasyon nga ara sa aton Teaching Toolbox paagi sa paggamit sang jw.org para ma-e-mail ang electronic copy ukon ma-share ang link. Daku gid ang mabulig sini kon lain ang lenguahe sang imo mapanaksihan. Isa pa, mahimo may pamangkot ang mga tawo kag ang sabat ara sa mga publikasyon nga wala sa aton Teaching Toolbox. Kon kabisado naton ang website, mangin mas epektibo kita sa aton ministeryo.

KON PAANO INI HIMUON:

• 

  Gamita ang “PANUDLO SANG BIBLIA” nga tab. Halimbawa kon nagapanaksi ka sa isa ka ginikanan nga gusto sang dugang nga impormasyon parte sa pagpadaku sa kabataan, kadtui ang PANUDLO SANG BIBLIA > PAG-ASAWAHAY KAG PAMILYA.

• Gamita ang “PUBLIKASYON” nga tab. Halimbawa kon nagapanaksi ka sing indi pormal sa eskwelahan kag gusto mo ipakita sa imo klasmeyt ang brosyur nga Sabat sa 10 ka Pamangkot sang mga Pamatan-on, kadtui ang PUBLIKASYON > LIBRO KAG BROSYUR.

• Gamita ang “PARTE SA AMON” nga tab. Halimbawa kon nagapanaksi ka sa imo kaupod sa obra nga gusto magbasa sang malip-ot nga mga paathag parte sa aton mga ginapatihan, kadtui ang PARTE SA AMON > MGA PIRME GINAPAMANGKOT.

TAN-AWA ANG VIDEO NGA PAGGAMIT SANG JW.ORG, KAG DAYON BINAGBINAGA KON DIIN KA MAKADTO SA ATON WEBSITE PARA BULIGAN ANG:

• isa ka atiesta

• bag-o lang nakaeksperiensia sing trahedya

• indi aktibo nga brother ukon sister

• ginaduaw mo liwat nga nagapamangkot kon diin nagahalin ang ginagasto sa aton hilikuton

• tawo nga halin sa iban nga pungsod nga gusto magtambong sa miting kon magpauli sia sa ila lugar