MGA BAHANDI SA PULONG SANG DIOS | GALACIA 4-6
Ang “Simbuliko nga Drama” nga May Kapuslanan sa Aton
Si apostol Pablo naggamit sang “simbuliko nga drama” para ipakita nga mas labaw ang bag-o nga katipan sangsa Kasuguan nga katipan. Paagi sa mahigugmaon nga pagdumala sang Cristo kag sang iya masigkamanunubli, ang tanan nga katawhan may paglaum nga mahilway sa sala, pagkadihimpit, kasubo, kag kamatayon.—Isa 25:8, 9.
SI HAGAR—ANG ULIPON NGA BABAYI Ang pungsod sang Israel sa idalom sang Kasuguan nga katipan, kag ang kapital sini nga Jerusalem |
SI SARA—ANG HILWAY NGA BABAYI Ang Jerusalem sa ibabaw, ang langitnon nga bahin sang organisasyon sang Dios |
“MGA ANAK” NI HAGAR Ang Judiyo nga katawhan (nga nagpanaad nga tumanon si Jehova paagi sa Kasuguan nga katipan) nga naghingabot kag nagsikway kay Jesus |
“MGA ANAK” NI SARA Ang Cristo kag ang 144,000 ka hinaplas nga Cristiano |
PAGKAULIPON SA KASUGUAN NGA KATIPAN Ang Kasuguan nagpahanumdom sa mga Israelinhon nga naulipon sila sa sala |
ANG BAG-O NGA KATIPAN NAGAHATAG SING KAHILWAYAN Ang pagtuo sa balor sang halad sang Cristo nagaresulta sa kahilwayan sa pagpakamalaut sang Kasuguan |