Himua nga Mas Mapuslanon ang Imo Personal nga Pagtuon

KON NGAA IMPORTANTE: Ang personal nga pagtuon sa Pulong sang Dios nagabulig sa aton nga ‘mahangpan sing bug-os kon ano ang kasangkaron, kalabaon, kataason, kag kadalumon’ sang kamatuoran. (Efe 3:18) Nagabulig man ini sa aton nga magpabilin nga wala sing kasawayan kag wala sing depekto sa tunga sang malauton nga kalibutan kag padayon nga ‘magpanguyapot sing hugot sa pulong sang kabuhi.’ (Fil 2:15, 16) Kon nagatuon kita sing personal sa Pulong sang Dios, makapili kita sang materyal suno sa kinahanglan gid naton. Ano ang mahimo naton para mangin mas mapuslanon ang aton pagbasa kag pagtuon sa Biblia?

KON PAANO INI HIMUON:

• I-highlight ang mga bersikulo kag isulat ang mga punto nga nanamian mo sa imo personal nga pagtuon sa Biblia, sa hard copy man ukon sa elektroniko nga pormat sini

• Samtang nagabasa ka sang Pulong sang Dios, pamangkuta ang imo kaugalingon: ‘Sin-o? Ano? San-o? Diin? Ngaa? Paano?’

• Hibalua ang mga detalye. I-research ang topiko ukon ang mga bersikulo sa Biblia paagi sa mga galamiton sa pag-research

• Pamalandungi ang imo ginabasa para makita mo kon paano mo ini maaplikar

• Iaplikar ang imo natun-an sa imo pagkabuhi.—Lu 6:47, 48

TAN-AWA ANG VIDEO NGA PADAYON NGA “MAGPANGUYAPOT SING HUGOT”—PAAGI SA EPEKTIBO NGA PERSONAL NGA PAGTUON, DAYON SABTI ANG MASUNOD NGA MGA PAMANGKOT:

• Para sa iban, ano ang personal nga pagtuon?

• Ngaa dapat kita anay mangamuyo antes magsugod sa pagtuon?

• Ano ang makabulig sa aton nga maintiendihan sing maayo ang teksto sa Biblia?

• Ano nga mga tanda ang puede naton gamiton sa aton pagtuon sa Biblia?

• Ngaa importante gid ang pagpamalandong kon nagatuon sang Pulong sang Dios?

• Ano ang dapat naton himuon sa aton natun-an?