Palangga ni Jehova ang Matinlo nga mga Tawo

“Hinawi imo mga kamot. Tinlui ang imo kuarto. Silhigi ang salog. Ihaboy ang basura.” Amo ini ang ginasugo sang mga ginikanan sa ila kabataan para mangin matinlo sila sa pisikal. Pero, ang mga prinsipio sa katinlo naghalin sa aton balaan nga Dios. (Ex 30:18-20; Deu 23:14; 2Co 7:1) Kon matinlo ang aton lawas kag mga pagkabutang, madayaw naton si Jehova. (1Pe 1:14-16) Kamusta ang aton balay kag ugsaran? Indi pareho sa iban nga mga tawo nga nagahaboy sang ila basura sa mga dalan kag mga parke, ginatinguhaan sang mga Cristiano nga huptan nga matinlo ang aton duta. (Sa 115:16; Bug 11:18) Makita ang aton pagtamod sa katinlo bisan sa gamay lang nga butang, pareho sa kon paano naton ginahaboy ang mga putos sang dulse, mga suludlan sang tubig, ukon bubble gum. Sa tanan nga bahin sang aton kabuhi, gusto naton nga ‘irekomendar ang aton kaugalingon subong mga ministro sang Dios.’—2Co 6:3, 4.

TAN-AWA ANG VIDEO NGA GUSTO SANG DIOS NGA MATINLO ANG IYA KATAWHAN, KAG SABTI ANG MASUNOD NGA MGA PAMANGKOT:

• Ano ang mga balibad sang iban ngaa indi nila matinluan ang ila mga pagkabutang?

• Paano ginpakita sang Mosaikong Kasuguan ang pagtamod ni Jehova sa katinlo?

• Paano naton madayaw si Jehova bisan wala kita sing may ginahambal?