Ginapakabahandi Mo Bala ang Pulong sang Dios?

Ang Biblia nagaunod sang panghunahuna kag pulong ni Jehova nga Dios, ang Awtor sining balaan nga libro. (2Pe 1:20, 21) Ginapadaku sang Biblia ang pagbindikar sang soberanya sang Dios paagi sa iya Ginharian, gani nagahatag ini sing paglaum sa tanan nga tawo nga lapit na lang mangin maayo ang kahimtangan. Ginapakita man sang Biblia nga mapinalanggaon gid ang aton Amay sa langit, si Jehova.—Sa 86:15.

Sarisari ang aton mga rason kon ngaa ginapabaloran naton ang Pulong ni Jehova. Pero, ginapakabahandi bala naton ining hamili nga regalo paagi sa pagbasa sini adlaw-adlaw kag pag-aplikar sini sa aton kabuhi? Kabay ang aton ginabatyag pareho sa salmista: “Ginahigugma ko gid ang imo kasuguan!”—Sa 119:97.

TAN-AWA ANG VIDEO NGA GINPABALORAN NILA ANG BIBLIA—PORSYON LANG SANG VIDEO (WILLIAM TYNDALE), DAYON SABTI ANG MASUNOD NGA MGA PAMANGKOT:

• 

  Ngaa gin-translate ni William Tyndale ang pila ka bahin sang Biblia?

• Ngaa talalupangdon gid ang iya mga pagtinguha nga ma-translate ang Biblia?

• Paano sekreto nga ginpasulod sa England ang mga kopya sang Biblia ni Tyndale?

• Paano mapakita sang kada isa sa aton nga ginapakabahandi naton ang Pulong sang Dios?